Tifozët e skuadrës, së Atletico Madridit, kanë filluar fushatën e ashtuquajtur “ContrCR7”, duke shprehur mos dëshirën, që klubi të nënshkruaj me Cristiano Ronaldon.

Situata e portugezit, tashmë është bërë një dramë e madhe, pasiqë shumë klube të mëdha evropiane, që do të marrin pjesë në sezonin tjetër në Champions League, nuk kanë shprehur interesim për kartonin e tij.

Ndërsa 37-vjeçari, nuk dëshiron të qëndrojë tek skuadra angleze, Manchester Untied, pasiqë “Djajtë e Kuq”, në sezonin e ardhshëm nuk do të jenë pjesë e Ligës së Kampionëve, por do të luajnë në UEFA European League.

Ronaldo ende nuk ka filluar stërvitjet me “Djajtë e Kuq”, teksa raportohet se ai po e kërkon tashme një klub të ri, por siç bëjnë të ditur mediat e huaja, ende nuk ka asgjë konkrete.

Kohëve të fundit, është përfolur një transferim i mundshëm i CR7 drejt Atletico Madridit, ndërsa tifozët spanjollë, nuk janë të kënaqur për një gjë të tillë.

Arsyeja e revoltimit të tifozëve të Atleticos, është përshkak se  pesë herë fituesi i Topit të Artë, është ish-lojtar i rivalëve të tyre, ndërsa kujtojmë që në çdo ndeshje, Real Madrid- Atletico Madrid, ka pasur tensione mes tifozëve të skuadrës së  Diego Simone.

Duke përdorur hashtagun ‘ContraCR7’ [KundërCR7] në rrjetin social “Twitter”, shumë “Colchoneros” e kanë bërë të qartë se nuk do ta pranonin transferimin e tij.

#ContraCR7 pic.twitter.com/owUFB2jfY7

— Sgt. Oddball (@SgtOddball4) July 23, 2022

Ndërsa e ardhmja e Ronaldos ende është në pezull, kurse menaxheri i tij, Jorge Mendes, është në kërkim të ndonjë skuadre për portugezin.

Mediat e huaja kanë bërë të ditur se CR7 i është ofruar disa skuadra si Bayern Munich, Chelsea, Paris Saint-Germain, ndërsa është përfolur edhe për një transferim  drejt skuadrës së Barcelonës dhe një rikthim drejt Real Madridit, por një gjë e tillë siç ka bërë të ditur presidenti i “Mbretëve” Florentino Perez, nuk mund të ndodhë.

Mbetet të shihet se në cilin skuadër do të vazhdojë karrierën ylli portugez. /arbresh.info/